Yay təlim-məşq toplanışını ölkə xaricində keçirəcək komandalarımızdan biri də “Neftçi”di. Futbolinfo.az xəbər verir ki, Türkiyənin Bolu şəhərində məskunlaşacaq "ağ-qaralar"ın orada neçə yoxlama oyunu keçirəcəyi bəlli olub.
Əldə etdiyimiz məlumata görə, paytaxt təmsilçisi qardaş ölkədə 3 sınaq matçı keçirəcək. Yoxlama oyununun azlığına səbəb isə bakılıların Boludan tez qayıtmağı planlaşdırmasıdı.
Xatırladaq ki, Bakı klubunun bir sınaqçı rəqibinin adı da bəllidi. Onlar Rumıniyanın "CSMS İaşi" komandası ilə qarşılaşacaq. Oyunun vaxtı isə hələ dəqiqləşməyib.
Onu da əlavə edək ki, məşqlərə iyunun 12-də Bakıda start verəcək Vəli Qasımovun komandası burada 2-3 günlük hazırlıqdan sonra Türkiyəyə yollanacaq.