Avropa Liqasının 1-ci təsnifat mərhələsi çərçivəsində Moldova "Daçiya"sının qonağı olacaq "Kəpəz"in səfər planı bəllidi. Futbolinfo.az xəbər verir ki, gəncəlilər Kişinyova birbaşa çarter reysi ilə deyil, tranzit xətti ilə uçacaqlar.
Qərblilər Bakı-İstanbul-Kişnyov xətti üzrə hərəkət edəcək. "Aria Hotel"də məskunlaşacaq komandanın oyunöncəsi mətbuat konfransının və məşqinin də vaxtı bəllidi. Yerli vaxtla 17:30-da (Bakı vaxtilə 18:30) jurnalistlər önünə çıxacaq baş məşqçi Şahin Diniyev KİV nümayəndələrinin suallarını cavablandıracaq. Komandanın oyunöncəsi son məşqi isə 18:00-da (19:00) start götürəcək.
Qeyd edək ki, sözügedən matç Bakı vaxtilə 19:00-da start götürəcək.