“Sanderlend” klubunun yeni baş məşqçisi bəlli olub. Futbolinfo.az saytı Britaniya mətbuatına istinadən xəbər verir ki, İngiltərə yığmasının “sükanı arxası”na keçən sem Ellardaysı şotlandiyalı çalışdırıcı Devid Moyes əvəzləyib.
Tərəflər arasında 4 illik müqavilə bağlanılıb.
Yeni vəzifəsi ilə bağlı açıqlama verən Moyes bunları deyib: “Sanderlend”in baş məşqçisi təyin olunduğum üçün şadam. Bu, mənim üçün yeni çağırış, yeni şans deməkdi. Yenidən Premyer Liqada məşqçilik edəcəyim üçün qürurluyam”.
Qeyd edək ki, 53 yaşlı çalışdırıcı məşqçilik fəaliyyəti ərzində “Preston Nort End”. “Everton”, “Mançester Yunayted” və “Real Sosyedad” klublarını da çalışdırıb.