Avropa Liqasının üçüncü təsnifat mərhələsinin cavab oyunları çərçivəsində keçiriləcək “Qəbələ” – “Lill” (Fransa) matçının vaxtı açıqlanıb. Futbolinfo.az xəbər verir ki, avqustun 4-də 8-ci km stadionunda baş tutacaq qarşılaşma saat 21:00-da start götürəcək.
Bu komandaların iyulun 28-də Fransada keçiriləcək ilk oyunu da Bakı vaxtı ilə 21:00-da başlanacaq.
Qeyd edək ki, “Qəbələ” Avropa Liqasının üçüncü təsnifat mərhələsinə gələnə qədər “Samtredia” (Gürcüstan) və MTK (Macarıstan) klublarını mübarizədən kənarlaşdırıb.