Bu gün Əliyar Ağayevi canlı izləyə biləcəyik. Bakı vaxtı ilə saat 22:30-da “CBC Sport”da həmyerlimizin idarə edəcəyi tarixi oyuna baxmaq imkanımız olacaq.
Bildiyiniz kimi, UEFA azərbaycanlı FİFA referisi Əliyar Ağayevə böyük etimad göstərib. Futbolinfo.az xəbər verir ki, o, 19 yaşadək futbolçulardan ibarət komandalar arasında Avropa çempionatının final oyununu idarə edəcək. Almaniyada təşkil olunmuş turnirin Sinsheim şəhərindəki “Rhein-Neckar-Arena”da keçiriləcək final qarşılaşmasında məhz həmyerlimiz söz sahibi olacaq.
“CBC Sport”un Fransa və İtaliya yığmaları arasındakı oyunu ekrana daşımasının da səbəbkarı məhz Əliyardı və bu üzdən sözügüdən kanala tərif düşür.