Türkiyədə təlim-məşq toplanışında olan "İnter" bu gün daha bir yoxlama oyunu keçirib. Futbolinfo.az xəbər verir ki, paytaxt klubu yerli "Gənclərbirliyi" ilə qarşılaşıb.
Matç Azərbaycan təmsilçisinin böyük hesablı qələbəsi ilə başa çatıb. Bakılıların heyətində Samir Zərgərov dubla imza atıbsa, digər qolları da Fuad Bayramovla Mirhüseyn Seyidov vurub.
Qeyd edək ki, "İnter" bundan öncəki sınaq matçlarını da Türkiyə klublarına qarşı keçirmişdi. Öncə "Kasımpaşa"ya 2:1 hesabıyla qalib gələn bakılılar ardından "Elazığspor"la bərabərə qalmışdılar – 0:0.
Yoxlama oyunu
24 iyul
"İnter" – "Gənclərbirliyi" – 4:0
Qollar: Zərgərov, (1:0), (2:0), Bayramov, (3:0), Seyidov, (4:0).
"İnter"in start heyəti: Orxan Sadıqlı, Sertan Taşkın, Ruslan Abışov, Fuad Bayramov, Ricat Qarayev, Mirhüseyn Seyidov, Elnur Abdullayev, Taşkın İltər, Samir Zərgərov, Mirsahib Abbasov, Qara Qarayev.
Ehtiyat oyunçular: Səlahət Ağayev, Denis Silva, Tərlan Quliyev, Aqşin Quluzadə, Məmməd Quliyev, Abbas Hüseynov.