UEFA Çempionlar Liqasının üçüncü təsnifat mərhələsi çərçivəsində Azərbaycan çempionu "Qarabağ"la Çexiya "Viktoriya"sı arasında baş tutacaq cavab matçının biletləri bu gündən satışa çıxarılıb. Futbolinfo.az xəbər verir ki, oyunu canlı izləmək istəyən hər kəs Tofiq Bəhramov adına Respublika stadionunun kassalarına yaxınlaşıb, biletini ala bilər.
Kassalarda bilet satışa çıxarılan kimi, mərkəzi arenanın yanına xeyli sayda azarkeş toplanıb. Bilet satışındakı bu ajiotaj ümid edək ki, oyun zamanı da yaşanacaq.
Qeyd edək ki, biletlərin qiyməti yerindən asılı olaraq, 1-5 manat aralığındadır. VİP yerlərə biletlər isə 30 manatdır.
"Qarabağ" – "Viktoriya" matçı avqustun 2-də keçiriləcək və saat 20:30-da start götürəcək. Tərəflər arasındakı ilk oyun qolsuz başa çatmışdı.
