Premyer Liqaya hazırlıqlarını yekunlaşdırmaq üzrə olan "Kəpəz" yoxlama oyunu keçirib. Futbolinfo.az xəbər verir ki, Gəncə təmsilçisi I divizionda mübarizə aparan "Şərurspor"la üz-üzə gəlib.
Azərbaycan Dövlət Bədən Tərbiyəsi və İdman Akademiyasının stadionunda baş tutan duel Şahin Diniyevin rəhbərlik etdiyi elita komandasının 6:1 hesablı qələbəsi ilə yekunlaşıb.
"Kəpəz"in heyətində Orxan Əliyev (2), Tural Qürbətov, Julan Ebah (2) və Dario Federiko fərqləniblər. "Şərurspor"un yeganə qoluna isə Bəhruz Teymurov imza atıb.