Masazırdakı "Əlincə Arena"da keçirilən "Neftçi" – "Kəpəz" oyununun fasiləsində gözlənilməz hadisə baş verib. Futbolinfo.az xəbər verir ki, oyunu canlı yayımlayan "CBC Sport" telekanalının aparaturasında nasazlıq yaranıb.
Belə ki, TV əməkdaşları stadionun enerjisindən istifadə edə bilmədiyi üçün enerator vasitəsilə oyunu yayımlayıb. Amma generator gücə düşdüyündən tüstüləyib. Belədə işçilər əlavə UPS vasitəsilə canlı yayımı həyata keçirirlər. Məhz bu səbəbdən stadiondakı bəzi kameraların çəkilişindən istifadə etmək mümkün olmayacaq.
