"Barselona" ilə müqaviləsinin müddətini uzadan Xavyer Maskerano gələcək karyerası ilə bağlı önəmli açıqlama verib. Futbolinfo.az xəbər verir ki, 32 yaşlı müdafiəçi 3 ildən sonra Kataloniya klubundan ayrılacağını deyib:
"Bu, "Barselona" ilə sonuncu müqaviləmdi. Ümid edirəm ki, 15 il sonra da məni burada yaxşı insan kimi xatırlayacaqlar. Sevinirəm, çünki son 6 ildə bu klub mənim evimə çevrilib".
Maskerano bir neçə gün öncə "Barselona" ilə 3 illik müqavilə imzalayıb.