İtaliya millisinin keçmiş baş məşqçisi Marçello Lippinin yeni iş yeri müəyyənləşib.
Futbolinfo.az xəbər verir ki, 68 yaşlı mütəxəssis karyerasını Çin millisində davam etdirəcək. Müqavilənin müddəti ilə bağlı hələlik, açıqlama verilməyib.
Lippi sözügedən ölkədə iş təcrübəsinə malikdi. O, 3 il "Quançjou Everqrand" klubunu çalışdırıb, bu müddətdə 3 dəfə Çin çempionatının qalibi olub, həmçinin 2013-cü ildə Asiya Çempionlar Liqasını qazanıb.
Məlumata görə, Lippi Çində ilinə təxminən 20 milyon avro qazanacaq.
