Çempionlar Liqasının qrup mərhələsində ötən gecə "Mançester Siti"yə uduzan "Barselona"nın forvardı Lionel Messi qitənin ən nüfuzlu klub turnirində daha bir rekorda imza atıb.
Futbolinfo.az xəbər verir ki, "şəhərlilər"lə görüşdə hesabı açan argentinalı futbolçu ÇL-in qrup mərhələlərində 54-cü qolunu vurmaqla Raul Qonzalesin rekordunu (53) qırıb.
Messi bu mövsüm ÇL-də vurduğu qollarının sayını da 7-yə çatdırıb. Bundan əlavə, o, "Mançester Siti" ilə görüşlərdə 6-cı qolunu hesabına yazdırıb. İngiltərə təmsilçisi başqa heç bir futbolçudan bu qədər qol buraxmayıb.
