"Qarabağ" sabahdan etibarən Türkiyənin Antalya şəhərində qış təlim-məşq toplanışına start verəcək. Komanda hazırlıq zamanı ilk yoxlama oyununu yanvarın 15-də keçirəcək.
Futbolinfo.az xəbər verir ki, "Qarabağ" ilk sınaq matçında Türkmənistanın "Aşqabad" klubu ilə qarşılaşmalıydı. Lakin son anda Türkmənistan klubunun Antalyaya gələcəyi sual altına düşüb. Bu səbəbdən ağdamlılar yanvarın 15-də Albaniyanın ən titullu klublarından biri olan "Skenderbeu" ilə qarşılaşacaq.