“Neftçi”də istirahət başa çatıb. Paytaxt təmsilçisi bugündən qış təlim-məşq toplanışına start verib.
Futbolinfo.az xəbər verir ki, dünən gecə komanda Antalyaya yola düşüb. “Neftçi”nin Türkiyədə 5 yoxlama matçı keçirməsi planlaşdırılır. 4 rəqibin kimliyi bilinsə də, 5-ci komanda ilə bağlı danışıqlar hələ yekunlaşmayıb.
Qeyd edək ki, yanvarın 21-dək Türkiyədə təlim-məşq toplanışında olacaq “Neftçi”nin orda “Sivasspor” (Türkiyə – 8 yanvar), “Kukesi” (Albaniya – 15 yanvar), “Tosno” (Rusiya – 17 yanvar) və “Terek”lə (Rusiya – 19 yanvar) yoxlama görüşü keçirəcəyi dəqiqdi.