Ötən ilin dekabrında 21 yaşlılardan ibarət millimizə dəvət alan Ozancan Kökçü yığmamızdan imtina edib. Futbolinfo.az xəbər verir ki, bu haqda məlumatı Britaniya mətbuatı yayıb.
Buna səbəb futbolçunun Hollandiya yığmasından dəvət gözləməsidi.
Qeyd edək ki, "Feyenoord"un futbolçusu Hollandiyanın 17 yaşadək futbolçulardan ibarət millisində 14 oyuna 2 qol vurub. 2016-cı ilin sonlarında AFFA Ozancan Kökcüyə müraciət edərək onu millimizə dəvət etmişdi. Türkəsilli futbolçu hətta ötən ay U-21 millimizin Antalyada keçirilən təlim-məşq toplanışına qatılmışdı. O, Qazaxıstana qarşı keçirilən yoxlama oyununda (2:2) bir qol da vurub.