Futbol üzrə İtaliya Kubokunda bütün yarımfinalçılar müəyyənləşib. Futbolinfo.az xəbər verir ki, 1/4 final mərhələsinin ötən gecə baş tutan son oyununda "Roma" "Çezena"nı 2:1 hesabıyla məğlub etməklə sonuncu yarımfinalçı olub.
Daha öncə "Yuventus", "Latsio" və "Napoli" də final uğrunda mübarizə aparmaq hüququ qazanmışdı. Beləliklə, yarımfinalda aşağıdakı kollektivlər üz-üzə gələcəklər:
İtaliya Kuboku
Yarımfinal
"Yuventus" – "Napoli"
"Latsio" – "Roma"
İlk oyunlar martın 1-də, cavab görüşləri isə aprelin 5-də baş tutacaq.