Türkiyə Super Liqasında çıxış edən komandaların heyətlərində forma geyinmiş 1996-cı il təvəllüd və ondan aşağı yaşlı futbolçuların statistikası açıqlanıb. Futbolinfo.az xəbər verir ki, millimizin və “Trabzonspor”un üzvü olan Ramil Şeydayev də siyahıda yer alıb.
Burada 1-ci dövrə ərzində meydana çıxmış 20 oyunçunun adı salınıb. Siyahıda ən az şans qazanan oyunçular arasında yer alan Ramil Şeydayev də var. O, 1 görüşdə meydana çıxıb və sarı vərəqə ilə cəzalanıb. Yığmamızın hücumçusu siyahıda yalnız komanda yoldaşı Abdulkadir Ömür və “Kayserispor”lu Furkan Yamanı qabaqlamağı bacarıb.
