Azərbaycan çempionatının 1-ci divizionunun 14-cü turundan təxirə salınmış matçda "Ağsu" öz meydanında "Bakılı"nı qəbul edir. Futbolinfo.az xəbər verir ki, matça elə də böyük maraq yoxdu.
Qarşılaşma demək olar ki, boş tribunalar önündə oynanılır. Meydan sahiblərinin icraçı direktoru Rəşad Kərimov bunu belə izah edib: "Əvvələr stadionumuz dolu olurdu. Amma komandamızın yüksək yerlər tutmasına baxmayaraq, Premyer Liqada iştirak edə bilməməsi onların tribunadan küsməsinə səbəb olub.
Qeyd edək ki, matçın keçirildiyi Ağsu Olimpiya İdman Kompleksinin stadionunun tutumu 3300 nəfərlikdi.
