Peşəkar Futbol Liqası Topaz Premyer Liqası ilə yanaşı, I Divizion yarışlarını da daim diqqətdə saxlayır. Futbolinfo.az xəbər verir ki, bu liqaya marağın artırılması məqsədi ilə Peşəkar Futbol Liqası jurnalistlərin bölgə oyunlarına səfərini təşkil edir, eyni zamanda azarkeşlər və jurnalistlərə I Divizionda ayın ən yaxşı qolunu seçmək imkanı yaradır.
Jurnalistlərin növbəti belə səfəri bu gün keçirilmiş “Ağsu”- “Bakılı” görüşünə təşkil olunub. Oyundan öncə noyabr ayında I Divizionda vurulan ən yaxşı qolun müəllifi Nurlan Məmmədzadə (“Bakılı”) mükafatlandırılıb. Mükafatı futbolçuya Peşəkar Futbol Liqasının Texniki İdman şöbəsinin rəisi Zamiq Hüseynov təqdim edib.