Futbol üzrə İtaliya Kubokunda yarımfinal mərhələsinin ilk oyunları keçirilib. Futbolinfo.az xəbər verir ki, ilk oyun günündə bir görüş baş tutub.
A Seriyasının lideri "Yuventus" doğma meydanda "Napoli" ilə qarşılaşıb. Oyunda hesabı qonaqlar açsa da, meydan sahibləri əzmkar qələbə qazanmağa nail olub.
İkinci oyun günündə isə paytaxt derbisi baş tutub. "Latsio" "Roma" ilə dueldən inamlı qələbə ilə ayrılmağı bacarıb.
Qeyd edək ki, yarımfinalın cavab oyunları aprelin 5-də keçiriləcək.
İtaliya Kuboku
Yarımfinalın ilk oyunları
28 fevral
"Yuventus" – "Napoli" – 3:1
1 mart
"Latsio" – "Roma" – 2:0