DÇ-2018-in seçmə mərhələsi çərçivəsində milli komandamızla qarşılaşacaq Almaniya yığması artıq Bakıdadı. Futbolinfo.az xəbər verir ki, bu gün Bakı vaxtı ilə saat 17:30-da Düsseldorfdan çarter reysi ilə yola düşən Bundestimi gətirən təyyarə təxminən 5 saat yarımlıq uçuşdan sonra Heydər Əliyev adına Hava Limanında eniş edib.
Qonaqlar hava limanından birbaşa məskunlaşacaqları “Boulvared Hotel”ə yollanıblar.
Almaniya yığması Bakıdakı yeganə məşqinə martın 25-də, saat 17:45-də çıxacaq. Hazırlıq prosesi oyunun keçiriləcəyi Tofiq Bəhramov adına Respublika Stadionunda baş tutacaq.
Qeyd edək ki, Azərbaycan – Almaniya oyunu martın 26-da saat 20:00-da start götürəcək. Apasport
