"Neftçi" rəhbərliyi ulu öndərin məzarını ziyarət etdi

"Neftçi” PFK-nın 80 illik yubileyi münasibətilə Azərbaycana dəvət olunmuş əfsanəvi veteranlarımız bu gün Fəxri Xiyabana gedərək ulu öndər Heydər Əliyevin məzarını ziyarət ediblər. Futbolinfo.az xəbər verir ki, ziyarətdə klubun Müşahidə Şurasının sədri Çingiz Abdullayev, şura üzvü Mehdi Nəcəfov, xaricdən ölkəmizə təşrif buyurmuş veteran futbolçular – Nikolay Boqdanov, Nikolay Smolnikov, İqor Ponomaryov, Rafiq Əlizadə, Vyaçeslav Lyoqki, Vitali Şevçenko, Rafiq Quliyev, Tofiq Abbasov və Yuri Romenski iştirak ediblər. Daha sonra əfsanəvi futbolçu Anatoli Banişevskinin və dünya şöhrətli hakim Tofiq Bəhramovun qəbri ziyarət olunub.