Almaniyanın Şimal-Şərq Regional Liqasında 31-ci turun oyunları keçirilib. Futbolinfo.az xəbər verir ki, Azərbaycan millisinin sabiq hücumçusu Rüfət Dadaşovun klubu – "Moyzelvits" də növbəti matçına çıxıb.
Sözügedən komanda doğma meydanda "Dinamo" ilə qarşılaşıb. Futbolçumuzun klubu bu oyundan qələbə ilə ayrılıb – 2:0.
Oyuna start heyətdə başlayan Dadaşov sonadək mübarizə aparıb. O, 5-ci dəqiqədə sarı vərəqə də alıb.
Qeyd edək ki, "Moyzelvits" hazırda 38 xalla 18 komanda arasında 12-ci pillədə qərarlaşıb.