Mayın 5-də Azərbaycan kubokunun finalında “Qarabağ”la qarşılaşacaq “Qəbələ”nin səfər planı bəllidi. Futbolinfo.az xəbər verir ki, “qırmızı-qaralar” həlledici matçın keçiriləcəyi Naxçıvana qarşılaşmadan 2 gün əvvəl – mayın 3-də axşam saatlarında yola düşəcək.
Komanda burada rəqibi “Qarabağ”la eyni oteldə – “Duzdağ”da məskunlaşacaq. Bundan başqa, “Qəbələ” nümayəndələri səfərə daha tez gedəcək. Belə ki, burada Naxçıvan Dövlət Universitetində tələbələrlə görüşəcək rəsmilər onları “Qəbələ”yə dəstək olmağa çağıracaq.
Qeyd edək ki, həlledici görüş mayın 5-i, saat 16:00-da Naxçıvan şəhər stadionunda start götürəcək.