Bu gün AFFA-nın inzibati binasında Klublar Komitəsinin 2016-2017-ci il mövsümü üçün yekun iclası keçirilib. Futbolinfo.az xəbər verir ki, iclasda başa çatmış mövsümdə Topaz Premyer Liqasında mübarizə aparmış “Qarabağ”, “Qəbələ”, “Neftçi”, “İnter”, “Sumqayıt”, “Kəpəz”, “Zirə” və AZAL klublarının nümayəndələri, həmçinin Peşəkar Futbol Liqasının Texniki İdman Şöbəsinin müdiri Zamiq Hüseynov iştirak edib.
