“Hər kəsi təbrik edirəm, gözəl final matçı izlədik, ilk hissədə daha rahat oynadıq, sona yaxın bir az təzyiq altında nəzarəti itirsək də, lazım olan nəticəni qoruya bildik. Klublara təşəkkür etmək istəyirəm, bu futbolçuları milli komandaya buraxdılar, biz də yaxşı hazırlaşdıq”. Futbolinfo.az xəbərverir ki, bu sözləri AFFA-nın baş katibi Elxan Məmmədov deyib.
IV İslam Həmrəyliyi Oyunlarının futbol yarışlarının finalında Omanla üz-üzə gələn U-23 futbol millimiz 20 hesablı qələbə qazanaraq turnirin çempionu olub. Oyun başa çatdıqdan sonra qısa açıqlama verən baş katib fikirlərini bölüşüb.
– Əsas millinin Avstriyadakı toplanışında sınaqçı rəqiblər bəlli olubmu?
– Danışıqlar gedir hələ.
– Komandaya çempionluqla bağlı dövlət mükafat vəd etmişdi. AFFA-nın bu barədə bir planı varmı?
– Bəli, biz də müəyyən mükafat nəzərdə tutmuşuq. Ancaq əvvəlcə dövlət öz hədiyyəsini edəcək, sonra biz düşünəcəyik.