İspaniya La Liqasında 2016/17 mövsümünə yekun vurulub. Futbolinfo.az xəbər verir ki, son turda çempionun adına aydınlıq gəlib.
Lider “Real”ı “Malaqa”yla matçda 1 xal da qane edirdi. Lakin madridlilər gözlənildiyi kimi, səfərdəki bu görüşdə də qalib gələrək tarixində 33-cü dəfə İspaniya çempionu olub. Əlavə edək ki, “Kral klubu” son olaraq 5 il əvvəl – 2011/12 mövsümündə La Liqada qızıl medal qazanmışdı.
Son turda çempionluq şansı az da olsa qalan “Barselona” isə öz meydanında “Eybar”a qalib gəlib. Amma bu, “Real”ı çempionluğunun qarşısını ala bilməyib. Nəticədə, Kataloniya təmsilçisi gümüş medallarla kifayətlənməli olub. Madrid "Atletiko"su isə bürünc medallara sahib çıxıb.
Mövsümün yekunlarına görə, "Real", "Barselona" və "Atletiko" UEFA Çempionlar Liqasının birbaşa qrup mərhələsində oynamaq hüququ qazanıblar. 4-cü pilləni tutan "Sevilya" ÇL-in təsnifat mərhələsindən mübarizəyə qoşulacaq. "Vilyarreal"la "Real Sosyedad" isə İspaniyanı Avropa Liqasında təmsil edəcək.
Son üç pillədə qərarlaşan "Sportinq", "Osasuna" və "Qranada" isə elitanı tərk edib.
İspaniya La Liqası
38-ci tur
“Qranada” – “Espanyol” – 1:2
“Sportinq” – “Betis” – 2:2
“Leqanes” – “Alaves” – 1:1
“Deportivo” – “Las Palmas” – 3:0
“Sevilya” – “Osasuna” – 5:0
“Atletiko” – “Atletik” – 3:1
“Selta” – “Real Sosyedad” – 2:2
“Valensiya” – “Vilyarreal” – 1:3
“Barselona” – “Eybar” – 4:2
“Malaqa” – “Real” – 0:2