Futbol üzrə Macarıstan Kubokunun final oyunu keçirilib. Futbolinfo.az xəbər verir ki, həlledici oyunda Budapeşt "Vaşaş"ı ilə "Ferençvaroş" qarşılaşıb.
Qarşılaşmanın əsas vaxtı 1:1 hesabıyla başa çatıb. Əlavə vaxtda da qapılara qol vurulmayıb. Bu üzdən də qalib penaltilər seriyasında müəyyənləşib. Daha sərrast olan "Ferençvaroş" futbolçuları 5:4 hesabıyla üstün olublar.
Qeyd edək ki, "Ferençvaroş" tarixində 23-cü dəfə Macarıstan Kubokuna sahib çıxıb. Bu göstəricidə rekorda sahib olan komandanın ən yaxın izləyicisi Budapeşt MTK-sıdı (12 kubok).