DÇ-2018-in seçmə mərhələsi çərçivəsində növbəti oyunlar keçirilib. Futbolinfo.az xəbər verir ki, Avropa zonasında Azərbaycan yığmasının da yer aldığı C qrupu çərçivəsində 6-cı turun görüşləri baş tutub.
Millimizin Şimali İrlandiyaya uduzduğu gündə gündə lider Almaniya son sıradakı San Marinonu sınağa çəkib. Almanlar 3 xalı 7 cavabsız qolla əldə ediblər və yüzfaizlik nəticə ilə zirvədəki mövqelərini bir qədər də möhkəmləndiriblər.
Norveç isə Çexiya ilə üz-üzə gəlib. Qarşılaşmada hesabı çexlər açsa da, meydan sahibləri məğlubiyyətdən xilas ola biliblər. Nəticədə bu görüş heç-heçə başa çatıb.
DÇ-2018-in seçmə mərhələsi
C qrupu
10 iyun
Azərbaycan – Şimali İrlandiya – 0:1
Qol: S.Dallas, 90+2.
Almaniya – San Marino – 7:0
Qollar: Draksler, 11. Vaqner, 16; 29; 85. Yunes, 38. Mustafi, 47. Brandt, 72.
Norveç – Çexiya – 1:1
Qollar: Soderlund, 55-pen. – G.Selassie, 36.