Məlum olduğu kimi, “Qarabağ” Futbol Klubu ölkə çempionatlarında ardıcıl dördüncü dəfə çempion olmaqla ümumilikdə bu sayı beşə çatdırıdı. Futbolinfo.az xəbər verir ki, bir çox dünya və Avropa klublarında adətən 5 çempionluq bir ulduzla qeyd olunur.
“Qarabağ” FK bu təcrübədən yararlanaraq loqosu üzərinə 1 ulduz əlavəsi yönündə fəaliyyətə keçib.
Ağdam klubunun loqosunda digər bir dəyişiklik isə “FK Qarabagh” ifadəsinin “Qarabağ FK”-yla əvəzlənməsidi.
Klub bu dəyişikliklərlə bağlı artıq Azərbaycan Respublikası Standartlaşdırma, Metrologiya və Patentləşdirmə Komitəsinə də müraciət edib.