İngiltərənin "Suonsi Siti" klubu yeni qapıçı transfer edib. Futbolinfo.az xəbər verir ki, Premyer Liqa təmsilçisi hollandiyalı Ervin Mülderi heyətinə qatıb.
Bu barədə klubun mətbuat xidməti məlumat yayıb. Məlumatda bildirilir ki, 28 yaşlı qolkiperlə 2 illik müqavilə imzalanıb.
Qeyd edək ki, Mülder İngiltərə klubuna azad agent kimi transfer olunub. Onun sonuncu klubu "Herenven"lə olan müqaviləsinin müddəti yenicə başa çatmışdı. "Feyenoord"un yetirməsi olan qapıçı "Ekselsior"da da forma geyinib.