“Neftçi” klubunun futbolçusu Kiril Petrov yeni mövsümə Ukraynada hazırlaşır. Apasport.az saytının məlumatına görə, ukraynalı futbolçu məşqlərini “Kolos” klubunun düşərgəsində gerçəkləşdirir.
Kovalyov təmsilçisinin hazırlıqlarına qatılan Petrov öz xahişi ilə bu komanda ilə məşq edir. Bunu “Kolos”un baş məşqçisi Ruslan Kostışin açıqlayıb: “Petrov özü bizimlə məşq etməsini xahiş edib. Onun Azərbaycanda müqaviləsi var”.
Xəbəri “Neftçi” ilə dəqiqləşdirməyi lazım bildik. Bakı klubunun mətbuat xidmətinin rəhbəri Rüstəm Əfsərli Kirilin hazırda bazada olduğunu bildirdi: “Petrov iyunun 24-dən toplanışa qatılıb. O, bu gün də komanda ilə məşqə çıxıb”.