Futzal üzrə milli komandaların yeni reytinq siyahısı açıqlanıb. Futnolinfo.az xəbər verir ki, cədvəldə ciddi dəyişiklik olmayıb.
Baş verən dəyişikliklər əsasən aşağı pillələrdə yer alan komandalarla bağlı olub. Liderlərin mövqeyi isə dəyişməz qalıb.
Planetin 10 ən güclü komandasından biri olan Azərbaycan millisi də mövqeyini qoruyub. Belə ki, yığmamız 1445 xalla planetin 10-cusudu.
İlk “onluq”:
1. Braziliya – 1929
2. İspaniya – 1872
3. Rusiya – 1765
4. Argentina – 1700
5. İtaliya – 1608
6. İran – 1593
7. Portuqaliya – 1582
8. Ukrayna – 1500
9. Qazaxıstan – 1462
10. Azərbaycan – 1445
Futzal klublarının da UEFA reytinqi açıqlanıb. UEFA kubokunda çıxış edəcək 56 komanda üçün tərtib edilən siyahıda Azərbaycan da təmsil olunub.
Son ölkə çempionu “Araz” qitənin ən güclüləri arasında 14-cü pillədə qərarlaşıb. Naxçıvan klubunun əmsalı 13,001-ə bərabərdi.
Cədvələ İspaniya “İnter”i başçılıq edir. Yarışın son qalibinin aktivində 57,000 xal var.
Qazaxıstan “Kayrat”ı 45,500 xalla 2-cidi. İlk “üçlüy”ü Portuqaliya “Sportinq”i qapayır – 38,166 xal.