Topaz Premyer Liqasının debütantı “Səbail” milli komandaların oyunları ilə əlaqədar yaranan fasilə dövründə “Zirə” ilə yoxlama oyunu keçirəcək.
Futbolinfo.az xəbər verir ki, bu barədə klubun mətbuat xidməti məlumat yayıb. Qarşılaşma sentyabrın 2-də “Dalğa Arena”nın köməkçi meydançasında baş tutacaq və saat 17:30-da start götürəcək.
Oyun KİV nümayəndələri və azarkeşlər üçün açıq olacaq. Jurnalistlər üçün saat 16:30-da metronun “Koroglu” stansiyasının yaxınlığındakı körpü tərəfdən “Dalğa Arena”ya nəqliyyat vasitəsi gedəcək.