Almaniyanın "Ersgebirge" klubu milli komandaların oyunları ilə əlaqədar yaranan fasilə ilə əlaqədar yoxlama matçında qüvvəsini sınayıb.
Futbolinfo.az xəbər verir ki, Azərbaycan yığmasının yarımmüdafiəçisi Dmitri Nazarovun formasını geyindiyi 2-ci Bundesliqa təmsilçisi Almaniya yüksək liqasında mübarizə aparan "Volfsburq"la qarşılaşıb. Matç elita təmsilçisinin 3:0 hesablı qələbəsiylə başa çatıb.
DÇ-2018-in seçmə mərhələsi çərçivəsində Norveçlə qarşılaşacaq yığmamızın düşərgəsində olan Nazarov bu görüşün iştirakçısı olmayıb.