İngiltərənin “Lester Siti” klubu heyətini yeni futbolçu ilə gücləndirib.
Futbolinfo.az xəbər verir ki, Premyer Liqa təmsilçisi Almaniyanin “Bayer” klubunun müdafiəçisi Aleksandar Draqoviçi heyətinə cəlb edib. Bu barədə klubun rəsmi saytı məlumat yayıb. Avstriya millisinin üzvü bir illik icarəyə götürülüb.
26 yaşlı mərkəz müdafiəçisi Almaniya Bundesliqasının ötən mövsümündə 19 oyunda meydana çıxıb. O, 2016-cı ildən "Bayer"də çıxış edir. Futbolçu karyerası ərzində "Austriya", "Bazel" və "Dinamo" (Kiyev) klublarında da oynayıb.