Norveç milli komandasının baş məşqçisi Lars Lagerbek yerli futbolçu Tarik Elyunussinin Azərbaycan çempionu "Qarabağ"a keçidini dəyərləndirib.
Futbolinfo.az xəbər verir ki, isveçli mütəxəssis bu keçidin Azərbaycan klubuna faydalı olacağını bildirib: "Tarik Yunanıstanda pis oynamırdı. İndi isə Çempionlar Liqasında çıxış edən komandaya keçib. Hücumda yaxşı təsir bağışlayır. Komandaya kömək edir. İnanıram ki, "Qarabağ"a faydalı olacaq".
Qeyd edək ki, Tarik Elyunussini "Qarabağ" Yunanıstan "Olimpiakos"undan bir illik icarəyə götürüb. Report