Futbol üzrə İspaniya La Liqasında 7-ci turun oyunları keçirilib.
Futbolinfo.az xəbər verir ki, UEFA Çempionlar Liqasında Azərbaycan çempionu “Qarabağ”la bir qrupda yer alan “Atletiko” da növbəti matçına çıxıb. Sözügedən kollektiv səfərdə “Leqanes”lə qarşılaşıb. Ağdam klubunun rəqibi bu oyunda xal itkisi ilə üzləşib – 0:0.
Bu heç-heçədən sonra madridlilər xallarının sayını 15-ə çatdırıblar. Paytaxt təmsilçisi 20 iştirakçı arasında 3-cü pillədə qərarlaşıb.
Qeyd edək ki, “Qarabağ”ın “Atletiko” ilə ilk oyunu oktyabrın 18-də Bakıda baş tutacaq.