Dünən Avropa Liqasının 3-cü turun oyunları keçirilib. Bu matçlardan sonra Avropanın ölkə reytinqində bəzi dəyişikliklər olsa da, Azərbaycanın mövqeyi stabil qalıb.
Belə ki, ölkəmiz əvvəlki kimi, 18,875 xalla 22-ci pillədədi. Əvəzində izləyicilərimiz olan İsveç, Bolqarıstan və Belarus ölkəmizə bir az da yaxınlaşıb. Avrokubokların 4-cü turunda “Qarabağ” məğlub olsa, “Ostersund” (İsveç), “Ludoqorets” (Bolqarıstan) və ya BATE-nin (Belarus) 1 heç-heçəsi bəsdi ki, adıçəkilən ölkələr Azərbaycanı qabaqlasın.
Qeyd edək ki, Azərbaycan cari mövsümdə 4,125 xal qazanıb. Bunun 2,375-i “Qarabağ”, 0,750-i “İnter”, 0,625-I “Zirə”, 0,375-i isə “Qəbələ”nin hesabına qazanılıb.