Adını dəyişmək üzrə olan “İnter”in “Keşlə”yə çevrilməsi bu ay ərzində yekunlaşacaq. Artıq bu yöndə işlər sürətlənib.
Belə ki, uzun müddətdi komandanın avtobusunun üzərində bakılıların yeni adı, loqosu və rəngləri həkk olunmuşdusa, artıq “bankirlər”in rəsmi “İnstagram” səhifəsində və stadionunda da “Keşlə” sözünə rast gəlmək mümkündü. Belə ki, komandanın sosial şəbəkədəki hesabı “Keshlafc”-ya dəyişdirilib. Ümumiyyətlə, stadionda da bütün "İnter" sözləri "Keşlə" ilə əvəz edilib.
Komanda "Səbail"lə oyunda sonuncu dəfə "İnter" adı ilə çıxacaq. Həmin matç bu gün saat 18:00-da start götürəcək.
