Bu gün Topaz Premyer Liqasının 9-cu turunun daha iki oyunu keçiriləcək.
Futbolinfo.az xəbər verir ki, Günün ilk oyununda “Kəpəz” yenilənmiş qazonunda “Neftçi”ni qəbul edir. Oyunu FİFA referisi Əliyar Ağayev idarə edir. Maraqlı məqam ondan ibarətdi ki, Ağayev Gəncəyə hər zaman olduğu kimi Bakıdan deyil, Makedoniyadan gəlib.
Məsələ burasındadı ki, Ağayev oktyabrın 19-da “Vardar” – “Real Sosyedad” görüşünü idarə edib. Onun geri dönüş bileti Skopye-İstanbul-Bakı olsa da, “Kəpəz” – “Neftçi” görüşünə təyinatdan sonra AFFA UEFA-ya müraciət edib. Məhz bundan sonra Əliyarın bileti Gəncəyə alınıb.