Bu gün Topaz Premyer Liqasında 9-cu tura yekun vurulacaq.
Futbolinfo.az xəbər verir ki, turun son matçında son çempionu “Qarabağ” qızıl medallar uğrundakı əsas rəqibi hesab olunan “Qəbələ”nin qonağı olacaq. Qəbələ şəhər stadionunda keçiriləcək oyun saat 18:30-da start götürəcək.
Prinsipial qarşılaşmaya maraq yetərincə çoxdu. Təsadüfi deyil ki, milli çempionatımızın oyunlarının teleyayımı ilə məşğul olan “CBC Sport” kanalı da bu görüşə xüsusi hazırlaşıb. Belə ki, telekanal Qəbələdəki matçın 11 kamera ilə çəkilib nümayiş etdiriləcəyini açıqlayıb. Bundan əlavə, 2 qapıiçi kamera da quraşdırılıb.
Fotolar Futbolinfo.az saytınındı: