Futbol üzrə İspaniya çempionatında 9-cu tura yekun vurulub.
Futbolinfo.az xəbər verir ki, turun ilk oyun günündə 4 görüş keçirilib.
Lider “Barselona” doğma meydanda “Malaqa” ilə qarşılaşıb və iki cavabsız qolla üstün olub.
"Betis" "Alaves"i, "Valensiya" isə "Sevilya"nı məğlub yola salıb. "Levante" – "Xetafe" matçında da qalib müəyyənləşməyib.
Çempion “Real” ikinci oyun günündə meydana çıxıb. “Kral klubu” “Eybar”ı qəbul edib və darmadağınla qalib gəlib.
“Qarabağ”ın Çempionlar Liqasının qrup mərhələsindəki rəqiblərindən “Atletiko” da bazar günü meydana çıxıb. “Hindular” Viqoda “Selta”nın qonağı olub və minimal hesablı qələbəyə sevinib.
Uğurlu çıxışı ilə diqqət çəkən "Leqanes" doğma meydanda "Atletik"i məğlub edib. "Vilyarreal" da "Las Palmas"a 4 cavabsız qolla qalib gəlib.
Son gündə "Real Sosyedad" "Espanyol"la doğma meydanda bərabərə qalıb. "Deportivo" isə evdə "Jirona"ya uduzub.
İspaniya La Liqası
9-cu tur
21 oktyabr
Levante – Xetafe 1:1
Qol: Morales, 62 – Fajr, 58.
Betis – Alaves 2:0
Qol: Sanabriya, 13. Aleksis, 75-öz qapısına.
Valensiya – Sevilya 4:0
Qol: Quedes, 43; 90. Zaza, 51. Mina, 85.
Barselona – Malaqa 2:0
Qol: Deulofeu, 2. İnyesta, 56.
22 oktyabr
Vilyarreal – Las Palmas 4:0
Qol: Bakambu, 48. Mario Qasper, 61. Navarro, 67-avtoqol. Sansone, 90+3.
Selta – Atletiko 0:1
Qol: Qameyro, 28.
Leqanes – Atletik 1:0
Qol: Bovyu, 54.
Real – Eybar 3:0
Qol: Oliveyra, 18-öz qapısına. Asensio, 28. Marselo, 82.
23 oktyabr
Real Sosyedad – Espanyol 1:1
Qol: İlyaramendi, 69 – Baptistao, 9.
Deportivo – Jirona 1:2
Qol: Peres, 51-pen – Aday, 25-pen. Portu, 71.