UEFA Çempionlar Liqasının qrup mərhələsinin 4-cü turu çərçivəsində Madriddə İspaniyanın “Atletiko” klubu ilə 1:1 hesablı heç-heçəyə nail Azərbaycan çempionu “Qarabağ”ın bu uğuru dünya mətbuatında da xüsusi qeyd olunur.
Futbolinfo.az xəbər verir ki, təmsilçimizin tarixində ilk dəfə oynadığı Çempionlar Liqasının qrup mərhələsində ilk səfər xalını qazanmaqla tarix yazması Türkiyə KİV-nin də diqqətindən kənarda qalmayıb. Qardaş ölkə mətbuatının aparıcı portalları bu uğuru maraqlı sərlövhələrlə işıqlandırıblar:
“Karabağ tarih yazmaya devam ediyor", "Atletiko şokda! Kardaş tarih yazıyor" başlıqlı xəbərlərdə “Qarabağ”ın “Atletiko” ilə səfər matçında sərgilədiyi möhtəşəm oyundan bəhs olunur.
