Az sonra Qurban Qurbanovun təyinatı rəsmiləşəcək. Beləliklə, milli komandamız 9 ildən sonra yerli məşqçiyə tapşırılacaq.
Futbolinfo.az xəbər verir ki, “Qarabağ”ın baş məşqçisinin yığma komandaya gətiriləcəyinə qəti şübhə yoxdu. İcraiyyə Komitəsinin üzvləri Mahir Məmmədov və Vaqif Sadıqovun da açıqlamalarından sonra bu təyinatın rəsmiləşəcəyinə şübhə qalmayıb. Sözügedən şəxslər başqa variantın olmadığı, yeganə namizəd kimi Qurbanovun üzərində dayandıqlarını bildiriblər.
AFFA-nın baş katibi Elxan Məmmədovun açıqlaması da maraqlıdı. O, İcraiyyə Komitəsinin gündəliyini açıqladıqlarını, əlavə söz deyə bilməyəcəyini bildirib. Məmmədov bu gün namizədlərin müəyyənləşəcətini, həmçinin təyinatın reallaşmasının da mümkünlüyünü dilə gətirib.
Məmmədov Azərbaycanın digər yaş qrupları üzrə yığmalarında baş məşqçi məsələsini isə ilin sonunda müzakirəyə çıxaracaqlarını söyləyib. O, hələlik heç bir komandada baş məşqçi istefasının baş vermədiyini əlavə edib.
Beləliklə, az sonra başlayacaq İcraiyyə Komitəsinin iclasının gündəliyində əsas məsələ milli komandanın baş məşqçi vəzifəsinə namizədlərin müzakirəsidi. Lakin indidən Bakı Olimpiya Stadionundakı tədbirin sonunda Qurbanovun təyinatından danışılacağına şübhə yoxdu. Yalnız onun klubdan ayrılacağı, yoxsa hər iki komandanı idarə edəcəyi bəlli deyil.
Xatırladaq ki, Qurbanov 14 qolla hələ də milli komandanın ən məhsuldar oyunçusudu.
Milli komandamızın bütün məşqçiləri:
Məşqçi il oyun sayı qələbə heç-heçə məğlubiyyət
Ələkbər Məmmədov 1992–1993 5 3 1 1
Kazbek Tuayev (müvəqqəti)
Ağasəlim Mircavadov (müvəqqəti) 1994 1 0 0 1
Ağasəlim Mircavadov 1994–1995 9 0 0 9
Kazbek Tuayev 1995–1996 11 3 3 5
Vaqif Sadıqov 1997–1998 20 6 3 11
Əhməd Ələsgərov 1999–2000 9 1 2 6
Əsgər Abdullayev (müvəqqəti) 2000 4 0 2 2
İqor Ponomaryov 2000–2001 13 1 2 10
Kazbek Tuayev (müvəqqəti) 1995–1996 2 0 0 2
Vaqif Sadıqov 2002 9 1 4 4
Əsgər Abdullayev 2002–2003 9 1 2 6
Karlos Alberto Torres 2004–2005 18 2 5 11
Vaqif Sadıqov (müvəqqəti) 2005 5 0 1 4
Şahin Diniyev 2005–2007 20 4 7 9
Goko Haciyevski (müvəqqəti) 2007–2008 3 0 1 2
Nazim Süleymanov (müvəqqəti) 2008 1 0 0 1
Berti Foqts 2008–2014 71 15 22 34
Mahmud Qurbanov (müvəqqəti) 2014 1 0 0 1
Robert Prosineçki 2015–17 23 6 6 11