Cari mövsümün ilk “El Klasiko”sunun vaxtı müəyyənləşib.
Futbolinfo.az xəbər verir ki, İspaniya La Liqasının 17-ci turu çərçivəsində keçiriləcək “Real” – “Barselona” görüşü dekabrın 23-də oynanılacaq. “Santyaqo Bernabeu”da keçiriləcək qarşılaşma Bakı vaxtı ilə 17:00-da start götürəcək. Bu da sözügedən oyun üçün qeyri-adi bir vaxt hesab oluna bilər.
Qeyd edək ki, 10 turdan sonra “Barselona” 28 xalla çempionatın lideridi. “Real” isə əzəli rəqibindən 8 xal geri qalır və turnir cədvəlində üçüncü pillədə qərarlaşıb.