Bu gün "Qarabağ"ın axşam məşqində sürpriz qonaq iştirak edib.
Futbolinfo.az xəbər verir ki, "F1 Bakı Qran Pri"sinin sonuncu qalibi, "Red Bull"un pilotu olan Daniel Rikkardo "köhlən atlar"ın qonağı olub.
Komandayla kiçik tanışlıqdan sonra avstraliyalı pilota baş məşqçi Qurban Qurbanov tərəfindən onun adı yazılmış klubun forması hədiyyə olunub. Rikkardo isə daha sonra özünəməxsus ayaqqabıları imzalayaraq Qurbanova təqdim edib. Daha sonra futbolçularla söhbət edən Rikkardo bir neçə dəqiqə komandayla birlikdə məşqdə də iştirak edib.
