Futbol üzrə Kipr çempionatında 18-ci turun oyunları keçirilir.
Futbolinfo.az xəbər verir ki, azərbaycanlı futbolçu Araz Abdullayevin formasını geyindiyi “Anortosis” də növbəti matçına çıxıb. Sözügedən kollektiv səfərdə “Doxa Katokopia” ilə qarşılaşıb. Futbolçumuzun komandası bu oyundan heç-heçə ilə ayrılıb – 0:0.
Araz da bu görüşün iştirakçısı olub. O, start heyətdə meydana çıxıb və sonadək oynayıb.
Geridə qalan turlarda 37 xal toplamış Famaqusta təmsilçisi hazırda 14 iştirakçı arasında ilk pillədə qərarlaşıb.