İngiltərənin “Arsenal” klubu heyətinə yeni futbolçu cəlb edib.
Futbolinfo.az xəbər verir ki, London təmsilçisi yunanıstanlı futbolçu Konstantinos Mavropanosla güclənib. Bu barədə klubun rəsmi saytı məlumat yayıb. Lakin 20 yaşlı futbolçu ilə müqavilənin müddəti və digər detalları açıqlanmayıb.
“Apollon”un yetirməsi olan Yunanıstanın U-21 yığmasının mərkəz müdafiəçisi 2016-cı ildən PAS (Yanina) klubunun şərəfini qorumağa başlayıb. O, ötən mövsüm bu komandanın heyətində Yunanıstan çempionatında 16 oyuna çıxıb, 3 qola imza atıb.
