Futzal üzrə Avropa çempionatına start verilib. Futbolinfo.az xəbər verir ki, qitə birincliyinin açılış oyununu Azərbaycan milli komandasının üzvləri də izləyib.
Sloveniya və Serbiyanın 2:2 hesablı heç-heçəsi ilə başa çatan matçdan sonra komandamızın əksər üzvləri günün ikinci oyunu olan Rusiya – Polşa duelinə də tamaşa ediblər.
Qeyd edək ki, yığmamızın yer aldığı qrupda mübarizəyə bu gün start veriləcək. İspaniya və Fransa üz-üzə gələcək. Millimiz isə çempionatda ilk oyununu fevarlın 2-də Fransaya, 2 gün sonra İspaniyaya qarşı keçirəcək.